Дзень роднай мовы 21.02.2024
Актыўна і цікава прайшоў Дзень роднай мовы ў нашай школе.З самага ранку вучні і дарослыя прынялі ўдзел у акцыі “Словы роднай мовы”.
З вялікім захапленнем дзеці называлі мілагучныя словы нашай мовы,за што атрымлівалі цукеркі. Затым паступова акцыя перайшла ў пачатковыя класы, дзе дзеці станавіліся перакладчыкамі.
Вучні старэйшых класаў сустрэліся з творчасцю Васіля Быкава.Гэта мерапрыемства было прысвечана стагоддзю з яго дня нараджэння.
Былі ўзгаданы цікавыя факты з біяграфііі пісьменніка, прачытаны вершы, а таксама прагледжаны ўрыўкі з фільмаў па творах школьнай праграмы.
Яшчэ адным цікавым і абавязковым момантам гэтага дня было напісанне дыктанта.
Завяршэннем свята быў конкурс чытальнікаў “Гучы , роднае слова!” Зала быля святочна ўпрыгожана. Асобнае месца ў ёй было адведзена выстаўцы малюнкаў “Героі літаратурных старонак”.
Свята закончылася падвядзеннем выніку . Усе чытальнікі былі ўзнагароджаны дыпломамі і салодкімі пачастункамі.
